رسائل اعتذار باللهجة الجزائرية للحبيب ستجعله يسامحك فورا ويتشوق للقائك
إن وقوعك في مشاكل مع حبيبك أمر طبيعي في علاقتكما، ربما بسبب الغيرة أو بسبب سوء في الفهم، أو تدخل أطراف خارجية بينكما، أو لأي سبب آخر.
و قيامك بالاعتذار من حبيبك الذي أخطأت في حقه أمر جيد و دليل على رغبتك في الحفاظ على جودة العلاقة مع شريكك، و تصحيح الأخطاء السابقة مع الحرص على عدم تكرارها.
و لهذا الغرض حضرنا لك في هذه المقالة أفضل رسائل اعتذار باللهجة الجزائرية للحبيب ستجعله يسامحك فورا ويتشوق للقائك، عند قرائته لواحدة من هذه الرسائل، و خصصنا هذه الرسائل خصيصا باللهجة الجزائرية الدارجة ،ليستفيد منها المتزوجون أو المخطوبين ......إلخ.
رسائل اعتذار للحبيب باللهجة الجزائرية
لقد حضرنا لك في هذه المقالة اثنى عشر (12) رسالة اعتذار جزائرية للحبيب ، بصيغ مختلفة ،حيث يمكنك التعديل عليها حسب حالتك الشخصية، و حسب سبب الخلاف مع حبيبك، و كوني على ثقة أن حبيبك أو زوجك سيسعد حتما بهذه الرسالة، و سيتأكد من أنه مرتبط بالشخص المناسب الذي يراعي مشاعره، و لا تهون عليه أحزانه، أما الاشخاص الذين يحرضونك ضده ،و يخبرونك بأن الاعتذار علامة للضعف، فكوني على يقين بأنهم لا يريدون مصلحتك، و لا يريدون لك أن تعيشي بسعادة مع شريك حياتك، فلا تستمعي لهم، و لتعلمي بأن قوة المرأة في ضعفها، و رقتها، و حنانها، و الأمر كذلك بالنسبة للرجل، فاعتذارك من حبيبتك، أو زوجتك ماهو إلا دليل على حسن أخلاقك، و رجولتك، و شهامتك.
رسالة اعتذار للحبيب باللهجة الجزائرية رقم 01:
حبيبي،يا تاج راسي أنت كي نتقابضو،ماشي معناتها أني نكرهك، مي معناها ماقدرتش نصبر عليك، أو كي نقولك باغية حنانتك ،ماشي معناتها ماكش متهلي فيا، مي بسبة راك بعيد عليا، منعرفش نعبر على الاشتياق غير بالمدابزة، ياك تعرف بلاصتك شحال كبيرة عندي و تعرف بلي محال نتخايل حياتي بلا بيك، خلينا نساعفو بعضانا،و نتحملو كلشي يصرا في العلاقة تاعنا، المهم نبقاو مع بعض ،و محبتنا تكبر يوم بعد يوم، عمري تالمون نحبك، و نغير عليك، ما وليتش نفيق بروحي كيفاه حتى نزعفك، آلور عمري يلزم تساعفني،نحبك و نموت عليك يا أب أبنائي.
رسالة اعتذار للحبيب باللهجة الجزائرية رقم 02:
علبلي راح تقراها حتى للخر حبيبي معلبليش منين راح نبدا، الوجع اللي فقلبي عالم بيه غير ربي،باختصار شديد أنا أعتذر منك....علبلي بلي غلطت غلطة كبيرة في حقك، من غير ما نقصد، حبيبي سمحلي ، علبلي صعيبة على أي راجل أنو يتقبل غلطة كيما هذي، حبيبي اسمحلي، راني حشمانة منك ڨراف، راني آسفة يا حياتي، عمري ماقصدت أني نجرحك، نعتذر على كل دقيقة ضاق فيها صدرك بسبتي، و كل دمعة نزلت من عينك، كنت أنا السبب فيها....اسمحلي خطكش....... راحولي الكلمات، و قلبي راح يخرج من بلاصتو......
جيت بقلب صافي و نية صافية...،و كلي أملي أنك تقبل اعتذاري،و نبداو صفحة جديدة.....
ياخي ماشي عيب الإنسان اللي يندم و يستعرف بالغلطة تعو، وأنا راني هنا اليوم قدام الناس كل، نطلب. منك تمد لعلاقتنا فرصة جديدة، وننساو اللي فات و نوعدك الغلطة مراحش تتكرر، يا أغلى ما في حياتي.
رسالة اعتذار للحبيب باللهجة الجزائرية رقم 03:
حبيبي نبيل،يا بعد روحي،حبيت نرسلك هاذ الميساج باه نقلك بلي راني آسفة ،آسفة على الهدرة اللي قلتهالك، و الكلام اللي جرحتك بيه، سامحني حبيبي كنت في لحظة غضب، و مقدرتش نتمالك أعصابي، صدقني عييت نخرجك من عقلي،و من بالي، و من قلبي، راك نتا هو الهواء اللي نتنفسو، و الضوء اللي نشوف بيه، من نهار دابزنا وأنا منيش مليحة، ماني ناكل ، ماني نشرب، ماني نضحك، كل شيء صماطلي ،و الدنيا ضياقت عليا...،،حبيبي منقدرش نزيد ثانية من دونك، و منقدرش نزيد دقيقة و أنا بعيدة عليك يا غالي...،سامحني و خلينا نرجعو كيما كنا صافيين مع بعض ،و ننساو كل اللي فات، و نوعدك الغلطة مراحش تتكرر، يا تاج راسي، و هذه من رسائل اعتذار باللهجة الجزائرية للحبيب.
رسالة اعتذار للحبيب باللهجة الجزائرية رقم 04:
مساء الخير شمس، حبيت نطمن عليك، و نعرف أخبارك، من نهار دابزنا ما عيطتلي ،ما رسلتلي ميساج، ما حوست تفهم عليا،علبلي بلي غلطت معاك، و زودتها بزاف، بصح صدقني هذا كل بسبة غيرتي عليك، منقدرش نتخيلك تحكي و لا تشوف في وحدة أخرى من غيري، حتى ولو كانت بنت خالتك،و لا بنت عمتك، بويسك يسموك نتاعي وحدي، وما نقبل حتى وحدة تشاركني فيك، حبيبي اقبل اعتذاري،و خلينا ننساو اللي فات، و نرجعو خير من اللي كنا، و منخليوش العديان يستحلاو فينا، و يعجبهم الحال كي تفارقنا، حبيبتك سمية اللي تموت عليك و محال تسمح فيك.
رسالة اعتذار للحبيب باللهجة الجزائرية رقم 05:
سلام رياض، نحبك تقرا هاذ الميساج بقلبك ماشي بعقلك، علبلي مليح واش راك تخمم، و واش كاين في راسك،علبلي واش راك تحس تجاهي، و كمية الغضب و الحقد اللي هزيتهم عليا، نحب نقلك اسمحلي،اسمحلي خطكش زودتها بزاف معاك، و عليت صوتي عليك على الرغم علبلي بروحي غالطة، اسمحلي على الكلام اللي جرحتك بيه، و الهدرة القاسية اللي قلتهالك، ندمت،ندمت،ندمت، و عرفت قيمتك غير كي بعدت عليا حبيبي صدقني الدنيا ظلامت عليا،و كلش رجعلي صامط،سامحني حبيبي.
رسالة اعتذار للحبيب باللهجة الجزائرية رقم 06:
سلام سعيد، علبلي راك مقلق أخر مني،و ماكش حاب تهدر معايا،عليها قررت باه نبعثلك هاذ الميساج باه نقلك بلي راني حاسة بالندم الشديد،على واش درت معاك، و الطريقة اللي تعاملت بيها معاك، علبلي كنت تخمم على مصلحتي،مي أنا مقدرتش نتمالك أعصابي، و تصرفت معاك بوقاحة و جرحتك،و راني مستعدة ندير أي حاجة باه تسامحني، و ترجع المياه لمجاريها، و نرجعو خير من اللي كنا، حبيبي نستنى اتصالك على أحر من الجمر،حبيبتك المخلصة وئام.
رسالة اعتذار للحبيب باللهجة الجزائرية رقم 07:
سلام وائل، راني آمال ، بعثتلك هاذ الميساج ،باه نعتذر منك ،هذا وين عرفت قيمتك كي بعدت و فارقتك، حبيتك تعرف بلي حبي ليك راهو بلا حدود، سامحني على أي جرح سببتهولك، و راني ندمانة اشد الندم على واش درتلك، و نتمنى أنك تلقى في قلبك حاجة تخليك تسامحني، و نوعدك بلي راح نعوضك على كل ألم سببتهولك يا نور عيني، راني مستنية لاپال تعك، باه نرجعو كيف ما كنا و منخليوش الغيارين يستحلاو فينا، حبيبتك و مرتك و أم أولادك المستقبلية نجاة.
رسالة اعتذار للحبيب باللهجة الجزائرية رقم 08:
حبيبي سليم، نتمنى يلحقك هاذ الميساج و أنت بألف خير و عافية، راني نكتبلك بقلب حزين، حابة نعترفلك اليوم بلي غلطت بزاف معاك، و تماديت بزاف و تجاوزت حدودي، تشكيلة رسائل اعتذار رومانسية جزائرية، حبيت تعرف بلي كنت فقط في مرحلة كنت مضغوطة فيها بزاف من الجيهات كل، وصبيت الغضب تعي كل فيك، حبيبي نتمنى تسامحني و تنسى اللي فات كل،و راني مستعدة ندير أي حاجة تطلبها مني باه نصلحو الأمور مرة أخرى، و نرجعو افضل من اللي كنا، حبيبتك نادية اللي ديما تخمم فيك، و ديما دايراتك فالبال.
رسالة اعتذار للحبيب باللهجة الجزائرية رقم 09
حبيبي وسيم، بعثتلك هاذ الميساج و كلي أمل بلي الأحوال يتصلحو،و الأمور يرجعو خير من اللي كانو، حبيبي و نور عيني، علبلي بلي غلطت معاك، و زودت معاك فالهدرة بزاف، مالڨري المشكل مهوش كبير، و مايستاهل يلحق للدرجة هذي كل، هذي مدة تقريب عشرين يوم مسمعتش صوتك، صدقني الدنيا ولاتلي ظلام من دونك ،سامحني حبيبي ،و بغض النظر عن إجابتك راح تبقى ديما من أولوياتي، و راح تبقى ديما رقم واحد فحياتي، حبيبتك اللي تخمم فيك ديما وسام، من مجموعة رسائل اعتذار قوية ومؤثرة لحبيبتي.
رسالة اعتذار للحبيب باللهجة الجزائرية رقم 10:
مساء الخير يا رفيق دربي، نتمنى تكون بخير و عافية، رسلتلك هاذ الميساج اليوم، لأني حاسة بالندم و الحزن على الطريقة التي تعاملت بيها معاك، و صدقني قلبي راح يخرج من بلاصتو كي نتفكر الالم اللي سببتهولك ،و الطريقة اللي خذلتك بيها، نعتذرلك من كل اعماق قلبي، آسفة ،آسفة ،آسفة حبيبي، و توحشتك نار، و منقدرش دقيقة على غيابك، ارجعلي و نفتحو صفحة جديدة ،و ننساو كل الذكريات السوداء اللي عشناها، حبيبتك الوفية سناء، من تشكيلة رسائل اعتذار باللهجة الجزائرية للحبيب.
رسالة اعتذار للحبيب باللهجة الجزائرية رقم 11:
سلام حسام، واشراك نتمنى تكون لباس، رسلتلك هاذ الميساج بعد تفكير عميق و مطول، و عرفت شحال غلطت معاك، و آذيتك، تعيش سامحني يا أعز من في حياتي، راني ندمانة على كل حاجة درتهالك، اعطيني فرصة حبيبي باه نكون أميرتك المدللة مرة أخرى، و نوعدك كلشي يتبدل ،و الأخطاء اللي كانو معادش يتكررو، يا أحن إنسان على قلبي.
رسالة اعتذار للحبيب باللهجة الجزائرية رقم 12:
زوجي العزيز، غلطت معاك بزاف ،و تجاوزت حدودي، راني حاسة بالندم من آخر نهار دابزنا فيه، علبلك بلي منقدرش نشوف الحزن في عيونك، و منقدرش نتحمل حاجة تقيسك، حتى و لو كانت هذيك الحاجة أنا، من مجموعة رسالة اعتذار لمن تحب، منسمحش لروحي أنني نتسببلك بالأذية مهما كان السبب، سامحني يا حبيبي ،سامحني لأني اتهمتك بحوايجةمهمش فيك، اتهمتك بأنك زوج خائن، و زوج بخيل و نستعرف باللي هاذ الصفات مهمش فيك ،و خلي نوعدو انفسنا نكونو في المستوى مع بعض، و نعيشو السعادة الأبدية، زوجتك الوفية ريان.
وبهذا نكون قد انتهينا من مقالة رسائل اعتذار باللهجة الجزائرية للحبيب ستجعله يسامحك فورا ويتشوق للقائك ،و ستبيض قلب حبيبك من جهتك، و تنزع كل الشوائب التي تعكر صفو علاقتكما، فكما تعلمين أن الرسائل النصية أبلغ كلاما، و تصل للقلب مباشرة.
قد تعجبك أيضا المقالات التالية: